Remo DerungsVignogn, Lumnezia
Contact
DERM

Luvratori per lenn & stuors

Jeu examineschel igl emprem tiu instrument. Pintga reparatura, schubergiada, revisiun ni revisiun totala: Il stan effectiv definescha la lavur. Ils cuosts e lavurs supplementaras discuteschel jeu cun tei ordavon.

  1. Cuort scriver

    Scriva tgei instrument che ti has, descriva il problem e numna tiu giavisch da termin. Ina fotografia ni in cuort video gida per in’emprema valetaziun.

  2. Sclarir communablamein

    Jeu examineschel igl instrument e nus fixein las lavurs, la rama dils cuosts ed il termin da surdada.

  3. Surdar cun quitau

    Suenter la lavur controlleschel jeu sche igl instrument funcziuna endretg e sche la mecanica ei giustada endretg. Alla surdada discutein nus era il manteniment.

Schubergiada chemica

Mo per instruments da stuors

Era dadens duei tut constar.

Il verdirom («Grünspan») che setacca egl instrument vesan ins strusch da dadora. Ina schubergiada profunda s’auda tier il manteniment. Il mument adattau dependa da con savens che ti sunas e co ti tgiras sez tiu instrument.

  • Demontar e schubergiar chemicamein
  • Unscher, controllar e giustar la mecanica
  • Midar ora ils filzs dils nuvs e dils uvierchels da ventil
  • Midar ora ils corcs dallas clappas d’aua

Autras parts e reparaturas, per exempel guidas da ventil ni plemas dallas clappas d’aua, vegnan quintadas separadamein suenter cunvegnientscha. Ina revisiun totala ei ina lavur pli vasta.

Revisiun totala & niev finish

Tiu instrument da stuors sa era vegnir laccaus, argentaus ni surdoraus cumpletamein da niev. Giavischs individuals discutein nus vid igl instrument: Communablamein sclarin nus tgei che fa tecnicamein senn e va a prau cun tei.

Detagl d’in cornet da qualitad

Novitads per e-mail

Circa treis gadas ad onn novitads digl atelier, dalla musica e da projects. Ti sas sedesister da tut temps.

Impressum e protecziun da datas

Impressum

Remo Derungs · Remo’s Musikatelier
Sumaseras 70D · 7147 Vignogn, Svizra
[email protected] · +41 79 204 09 17
Fotografias: Jaromir Kreiliger
Webdesign: Remo Derungs

Protecziun da datas

Responsabel ei Remo Derungs; las datas da contact ein egl impressum.

Pagina d’internet e contact

Cloudflare elavura datas IP, dil navigatur e digl apparat per il menaschi e la segirtad dalla pagina d’internet. Turnstile protegia ils formulars e meglierescha la detecziun da bots era sut l’atgna responsabladad da Cloudflare. La memoria da sessiun tegna endamen il lungatg e la posiziun da lectura e gida d’evitar transmissiuns dublas.

Datas da contact e messadis drovel jeu per elavurar tia damonda. Las e-mails dils formulars vegnan tarmessas sur Resend; mia cascha postala funcziuna cun Microsoft 365. Tier contact sur WhatsApp elavura era WhatsApp tias datas da communicaziun. Identificaziuns dils process e cumprovas dil consentiment vegnan memorisadas tier Cloudflare.

Novitads per e-mail

Sender (UAB Sender.lt, Lituania) elavura num, adressa dad e-mail e stan dall’annunzia per las novitads per e-mail. Las furniziuns e las desditgas vegnan registradas; tenor la configuraziun dalla spediziun era las averturas ed ils clics. Ti sas sedesister en las novitads per e-mail ni cun ina e-mail.

Datas egl exteriur

Conservaziun ed informaziun

Las datas restan memorisadas aschi ditg sco quei ei necessari per la damonda, igl abunament, obligaziuns legalas ni cumprovas necessarias. Per informaziuns, correcturas ni per schar stizzar datas sas ti sevolver a mi.