Prioritad 1
Far aschi spert sco pusseivel.
Controlla d’instruments el liug
Jeu vegn tier vus en local d’emprova e mirel vos instruments da lenn e stuors – quels che vegnan sunai regularmein sco era quels digl inventari da vossa societad.
Ensemen sclarin nus tgei lavurs che fan senn: ina reparatura, ina revisiun, ina revisiun totala ni, tier instruments da stuors, ina schubergiada chemica. Nus discutein era tier tgei instruments ch’ina investiziun pli gronda vala aunc la peina.
Tgei ei urgent, tgei sa spitgar?
Jeu fixeschel las prioritads per las lavurs recumandadas tenor lur urgenza:
Prioritad 2
Planisar per igl onn vegnient.
Prioritad 3
Probablamein far en dus tochen treis onns.
La valetaziun dependa dil stan e dil diever dils instruments. Era instruments che drovan actualmein neginas lavurs vegnan risguardai.
Rapport a scret sin giavisch
Sin giavisch elaboreschel jeu per vus ina survesta a scret cun ina valetaziun dil stan, las lavurs recumandadas, las prioritads ed ina stimaziun dils cuosts per planisar vos preventiv. Quei rapport vegn quintaus separadamein. Per reparaturas e revisiuns che vus planiseis concretamein retscheveis vus in’offerta.
Nus fixein ordavon tgei che la controlla ed in eventual rapport a scret cumpeglian e tgei ch’els cuostan. La controlla d’instruments sa vegnir reservada independentamein d’ina reparatura. Sche jeu vegn gia tier vus per rimnar instruments, dat ei per la controlla negins cuosts supplementars pil viadi.